1-بطاطس بوريه / 2-كباب حلة

1-بطاطس بوريه:

المقادير:

بطاطس مسلوقه

ملح و فلفل

بصل مفروم

معلقة جبنه رومى مبشورة 

2 معلقة زبدة

الطريقة:

تشوح البطاطس فى الزبدة ثم توضع فى صينيه و ترش على الوجه جبنه رومى ثم توضع فى الفرن حتى تحمر.

2-كباب الحلة :

المقادير:

كيلو لحم 

1 بصلة متوسطة  

1 فص ثوم 

  مقدار سمن 

ملح وفلفل وبهارات

 

الطريقة:

قطع اللحم مكعبات صغيرة أو كبيرة حسب رغبتك.   

يفرم البصل والثوم فرما خشنا .
يشوح البصل لمدة دقيقة ثم يضاف له اللحم ويقلب حتى يتغير لون اللحم إلى الون الغامق ثم تقلل النار تحته .
يضاف للحم نصف كوب ماء كل فترة حتى لا ينشف اللحم.
عندما يبدأ اللحم في تمام النضج يضاف له التوابل كلها ويترك حتى يكتمل نضجه.
بعد إغلاق النار من تحته توضع ملعقة سمن كبيرة في طبق صغير من الألومنيوم ويوضع عليها قطعة فحم مشتعل ويوضع الطبق بسرعة على اللحم في الحلة وتغطى الحلة لمدة 10 دقائق ثم يغرف اللحم ساخنا.

طريقة عمل اللحمة العصاج

حبيت ابتدى بحاجه سهله و تعتبر من اساسيات المطبخ

حد يعرف ايه هو العصاج؟؟؟

العصاج هو اللحمة المفرومة اللى بتتحشا فى الكوسه و بتتحط فى المكرونة البشاميل و المسقعة .و طريقه عملها سهلة جدا .

المقادير:

1/2 كيلو لحمة مفروم 

2 بصلة كبيرة

1/4 كوب ماء

2 ملعقة سمن

1/2 ملعقة ملح و فلفل (او حسب الرغبة)

الطريقة:

يفرم البصل و يحمر فى السمن حتى يذبل

يضاف اللحم و يقلب حتى يكون لونه بنى ثم يضاف اليه الماء و يتبل بالملح والفلفل

هنسيبه يغلى لحد ما يستوى.

ده العصاج عامة لاى اكلة فى بقى عصاج بالطماطم و ده علشان المكرونه البشاميل مثلا .

الطريقة :

نفس الطريقة  اللى فاتت بس هنضيف كوب من عصير الطماطم فى الاخر حتى تتسبك و اللحمة تستوى .

1-مسقعة الباذنجان /2 -الكفتة الشامى

1-معانا طريقة سهلة و بسيطة لعمل المسقعة السادة و المسقعة بالبشاميل

المقادير:

1/2 كيلو لحمة مفروم 

3 بصلة كبيرة

1/4 كوب ماء

2 ملعقة سمن

 ملح و فلفل

1 كيلو باذنجان

2 كوب طماطم

زيت للقلى

 

الطريقة:

هنقشر الباذنجات سيورونقطعه حلقات و بعدين يرش بالملح و نحطه فى مصفاة علشان نتخلص من المياه الزايدة و نقلبه كل شويه بالمصفاة و هنسيبه .
 نقوم بتحضير العصاج و طريقته:

يفرم البصل و يحمر فى السمن حتى يذبل

يضاف اللحم و يقلب حتى يكون لونه بنى ثم يضاف اليه الماء و يتبل بالملح والفلفل

هنسيبه يغلى لحد ما يستوى.
 هنقلى الباذنجان فى الزيت و هنرص اول طبقة منه فى صينيه ثم طبقة من العصاج ثم طبقة من الباذنجان و هكذا.
نحمر بصلة فى الزيت لغايه لما تبدأ تحمر و نضيف اليها عصير الطماطم و الملح و الفلفل حسب الرغبة بس خلوا بالكوا ان الباذنجان اساسا مملح و العصاج برده فما نحطش كتيرحتى تتسبك(تتخدع) .
تصب الطماطم المسبكة على وش صينيه المسقعة .
و نحطها فى الفرن لمدة 30 دقيقة لغاية لما يحمر الوجه.

و ياسلام لو بالبشاميل 

 طريقة عمل البشاميل:

المقادير:

6 معالق سمنه

6 معالق دقيق (كل معلقة سمنه عليها معلقة دقيق)

لتر لبن

بيضة

ملح و فلفل

 

الطريقة:

نحط السمنه على نار هاديه و نحط فيها الدقيق و نقلبه لغايه ما يبدأ يصفر.
نصب اللبن بهدوء قليلا قليلا ثم يقلب جيدا و سريعا بالمضرب السلك.
يضاف الملح و الفلفل حسب الرغبة.
نسيبه على النار لغايه ما يتماسك مع التقليب المستمر .
نشيله من على النار و نسيبه يبرد ، نضرب فيه البيضة .
ممكن ناخد سمنه العصاج نحطها فى البشاميل بتخليه دسم و بتديله نكهة العصاج .
نقلبه كويس و نصبه على وش صينيه المسقعة و ندخلها الفرن لمدة 45 دقيقة حتى يحمر وش الصينيه.

و بالهنا و الشفا

2- الكفتة الشامى:

المقادير:

  

كيلوجرام لحمة مفروم ناعم .

  ملح .
  فلفل أسمر .
  بصل مفروم ناعم .
  بقدونس مفروم ناعم .
  ربع كيلو جرام فلفل أخضر (مقطع حلقات).
  جوزة الطيب ( مطحونة) .
  ربع كيلو جرام طماطم ( مقطعة حلقات ).

الطريقة :

 يضاف مقدار البصل المفروم و البقدونس المفروم الى مقدار اللحم المفروم , ويضاف الى الخليط السابق كمية التوابل ( الملح والفلفل وجوزة الطيب ) .

تخلط المكونات جميعا جيدا حتى تصبح عجينة متجانسة تماما. 

نبدأ فى تقطيع العجينة على شكل اصابع متوسطة الحجم أو على شكل دوائر.
ترص أصابع الكفتة على الشبكة الحديدية لشواية الفحم . 

ترص فوق الكفتة حلقات الطماطم وحلقات الفلفل الرومى .
تترك حتى تنضج ثم ترفع من الشواية وتقدم فى وعاء التقديم المزين بالبقدونس.

 

1-مكرونه اسباجتى بالبسطرمة / 2-الحواوشى

دى اكله خفيفة وسريعه و لذيذه جداااااااا

المقادير:

كيس مكرونه اسباجتى مسلوقه
1/8 كيلو بسطرمة مقطعه قطع صغيرة
1/8 كيلو جبنه رومى مبشورة
4 حبات فلفل اخضر مقطع شرائح صغيرة
4 حبات طماطم مقطع مكعبات صغيرة
4 فصوص ثوم مفروم
ملح وفلفل 
2 معلقة سمنه كبار

الطريقه:

نحط نص ملعقة ملح وفلفل على الثوم و نشوحه فى السمنه قليلا ثم نضيف البسطرمة و نقلبها لحد ما تبدا ريحه البسطرمه تطلع(حاجه بسيطة).
نضيف الفلفل الاخضر يتشوح معاهم و بعد كده نضيف الطماطم و نسيبه لمدة 10 دقايق يغلى على النار.
نضيف المكرونه المسلوقه على الخليط و نقلبها كويس ثم نرفعها من على النار.
نرش فوقها الجبنه الرومى و نقلبها .

و بالهنا و الشفا

الحوواوشى :

المقادير:

1/2 كيلو لحم مفروم
1/2 كيلو بصل 
فلفل اخضر حار
ملح و فلفل 
عصير طماطم
بقدونش
معلقة زبدة
قطعة دهن 
عدد من ارغفة الخبز

الطريقة:

يتم تقطيع البصل و خلط جميع المكونات مع بعضها ثم وضع الخليط داخل ارغفة
الخبز و يتم لفه فى ورق زبدة ويوضع فى الفرن لمدة1/3 ساعه.   

كوسه بالبشاميل ومكرونه بالبشاميل

اولا: الكوسه بالبشاميل

 نفس طريقة المسقعة بالبشاميل

المقادير:

كيلو ونص كوسه مقطعة بالطول مرشوشة بقليل من الملح
1/2 كيلو لحمة عصاج
بشاميل
2 كوب طماطم مسبكة بالبصل

الطريقة:
نقلى الكوسه فى الزيت نص قليه و نرصها فى صينيه كطبقة اولى ثم نحط صبقة عصاج لحمة ثم طبقة كوسه و هكذا.
ثم نصب كوبين الطماطم عليها.
ثم نصب على وش الصينيه البشاميل و نحطها فى الفرن لمدة 45 دقيقة حتى يحمر وشها.

مكرونه بالبشاميل

المقادير:

كيس مكرونه قلم
1/2ك عصاج
بشاميل
2 كوب عصير طماطم مسبك بالبصل

الطريقة:

نسلق المكرونه و نصفيها .
نضيف عليها كوبين الطماطم ساخنه و تقلب مع المكرونه .
ندهن الصينيه بالسمنه او الزيت علشان ما تلزقش و نحط طبقة من المكرونه و بعدين طبقة عصاج و بعدين طبقة مكرونه تانيه و بعدين نصب البشاميل و نحط قطع زبدة او سمنه على وش البشاميل علشان اللون .
نحطها فى الفرن لمدة ساعه واحده .

   

Welcome

أهلا بكم فى مدونة مطبخ بنات، هنا هتلاقى أكلات من أساسيات الطبيخ  و أكلات التراث و الأكلات المودرن الحديثة اللى كلنا بنحبها هنتعلم كل ده مع بعض ان شاء الله  .

تابعونا :)